პოლიტიკა

ეს თემა არის იმდენად საგანგაშო და ყოვლისმომცველი, რომ, რა თქმა უნდა, მხოლოდ პარლამენტში მინისტრების მოყვანა ამ საკითხს ვერ ამოწურავს - დავით ბაქრაძე

„ევროპული საქართველოს“ პრეზიდენტობის კანდიდატმა დავით ბაქრაძემ პროკურატურის ყოფილი თანამშრომლისა და ხორავას ქუჩის საქმეზე ბრალდებული მირზა სუბელიანისა და პარლამენტის წევრის ვიქტორ ჯაფარიძის მორიგ აუდიოჩანაწერზე საუბრისას განაცხადა, რომ საპარლამენტო უმცირესობამ ჯერ კიდევ გუშინ მოითხოვა ოფიციალურად პარლამენტში შს მინისტრისა და მთავარი პროკურორის მისვლა.

„ჩვენ საზოგადოების სახელით უნდა დავსვათ კითხვები და მივიღოთ მასზე პასუხები. ეს თემა არის იმდენად საგანგაშო და ყოვლისმომცველი, რომ, რა თქმა უნდა, მხოლოდ პარლამენტში მინისტრების მოყვანა ამ საკითხს ვერ ამოწურავს. საუკეთესო პასუხი არის 28 ოქტომბრის არჩევნები, მაგრამ სწორედ იმისთვის, რომ საზოგადოებამ არჩევნებზე გასცეს პასუხი ამ და ძალიან ბევრ სხვა თემას, აუცილებელია ადამიანების ინფორმირება, კითხვებზე პასუხების გაცემა და ამ თვალსაზრისით მინისტრების და მთავარი პროკურორის მოსვლა პარლამენტში, რა თქმა უნდა, არის მნიშვნელოვანი და აუცილებელი."- განაცხადა ბაქრაძემ.