სამართალი

,,ეს ქალბატონი არის პროკურატურის ჯიბის ექსპერტი“ - ვინ არის ასმათ მატუშევსკაია, რომელმაც “ომეგა ჯგუფის” საქმეში აუდიოჩანაწერებზე დასკვნა დადო

რას წარმოადგენს ექსპერტი ასმათ მატუშევსკაია, რომელმაც “ომეგა ჯგუფის” საქმეში აუდიოჩანაწერებზე დასკვნა დადო - აღნიშნულთან დაკავშირებით სამართალდამცავთა რეფორმირების ცეტრში ბრიფინგი გაიმართა.

ორგანიზაციის წარმომადგენელთა მტკიცებით, სწორედ მატუშევსკაიას გვარი უკავშირდება ყველა იმ გახმაურებულ საქმეს, სადაც პროკურატურა გაცემულ დასკვნებს ეყრდნობა.

კერძოდ, შსს-ს პრესსამსახურის ყოფილი უფროსი, გურამ დონაძე აცხადებს, რომ მატუშევსკაია საკუთარი საქმიანობის დროს ყოველთვის რუსი ექსპერტების სამეცნიერო ლიტერატურას იყენებს, რაც დამატებით ეჭვებს აჩენს.

,,ეს ქალბატონი არის პროკურატურის ჯიბის ექსპერტი. არ მომერიდება ამ სიტყვის თქმის. ეს ქალბატონი არის ასმათ მატუშევსკაია, რომელიც მუშაობს ლევან სამხარაულის სახელობის ექსპერტიზის ბიუროში და ამ ქალბატონს შეუძლია ამ თეთრ ფურცელზე დაწეროს დასკვნა და თქვას, რომ ეს არის შავი.

ამ ქალბატონის სახელი და გვარი უკავშირდება ჟვანიას საქმეს, რომელშიც ის საკუთარი დასკვნით ჩვენებას აძლევს სასამართლოს ლევან ჩაჩუას - მისი კოლეგის წინააღმდეგ.

ამ ქალბატონის სახელი და გვარი ვარდება 2014 წელს ხელახლა აღძრულ საქმეში კოდუა-პატარკაციშვილის ჩანაწერში.

ამ ქალის სახელი და გვარი ამოვარდა ტელეკომპანია ,,იბერიას“ საქმეში, რომელიც პირდაპირ წერს, რომ არის მონტაჟები და ასე შემდეგ.

ამ ქალის სახელი და გვარი 2 თვის წინ ჩვენ პირველად გავიგეთ რობაქიძის საქმეში, სადაც დადო ახალი დასკვნა პროკურატურის შეკვეთით, რომელიც ცდილობს გააბათილოს ჩვენი 6 დასკვნა, მათ შორის ფედერალური ბიუროს დასკვნა“, - განაცხადა გურამ დონაძე.