სამართალი

ეს პირდაპირ შეიძლება ითქვას, რომ პოლიტიკური თვალსაზრისით განაჩენია - გიგა ბოკერია

„ევროპული საქართველოს“ წევრი, გიგა ბოკერია ტელეკომპანია ,,იბერიას“ გარშემო განვითარებულ მოვლენებს ეხმიანება და მედიაზე ზეწოლის გამო ხელისუფლების პოლიტიკურ პასუხისმგებლობაზე საუბრობს.

,,იბერიაზე“ რაც გაგონილი გვაქვს და შემდეგ რაც მოვისმინეთ, რომ უკვე თანამდებობის ყოფილი პირი და სახელმწიფოსთან დაახლოვებული - პირდაპირ გარიგებას სთავაზობს ამ საკითხზე ტელეკომპანიის ხელმძღვანელობას, ეს პირდაპირ შეიძლება ითქვას, რომ პოლიტიკური თვალსაზრისით განაჩენია.

რა თქმა უნდა, მინიმალურად ნორმალურ ვითარებაშიც კი დაიწყებოდა გამოძიება ამაზე. ჩვენ არ გვაქვს მყისიერად ოპტიმიზმის საფუძველი, რომ ეს ასე მოხდება, მაგრამ ჩვენი როგორც საზოგადოების ამოცანაა, რომ მაქსიმალური პოლიტიკური ფასი დავუჯინოთ ხელისუფლებას თითო ჯერზე ყველა ასეთი შემთხვევა.