პოლიტიკა

ეს ყველაფერი საქართველოზე კარგად არ მეტყველებს და მერე ხელისუფლებას უკვირს მკაცრი შეფასებები - გიგი წერეთელი „იბერიაზე“

„ერთიანი ნაციონალური მოძრაობის“ ერთ-ერთი ლიდერის, გიგი წერეთლის შეფასებით, ტელეკომპანია „იბერიისა“ და „ომეგა ჯგუფის“ გარშემო მიმდინარე მოვლენები საქართველოს იმიჯს ლახავს. მისივე თქმით, ხელისუფლება უნდა შეეშვას ტელევიზიას.

„დამოუკიდებელ ტელეკომპანიას უნდა შეეშვას ყველა, უპირველეს ყოვლისა, ხელისუფლება და ის ძალიან მძიმე გარიგებები, რაც საზოგადოებამ მოისმინა და ამას ისმენენ არა მხოლოდ ქვეყნის შიგნით, არამედ ქვეყნის გარეთაც, სამწუხაროდ, ეს ყველაფერი საქართველოზე კარგად არ მეტყველებს და მერე ხელისუფლებას უკვირს ხოლმე, ვთქვათ, მკაცრი შეფასებები.

მიგვაჩნია, რომ მთავარი საკითხი ისაა, რომ სიტყვის თავისუფლება უნდა იყოს გარანტირებული, ვიღაცას მოსწონს კრიტიკა თუ არ მოსწონს“, - განაცხადა წერეთელმა.