პოლიტიკა

ეს არის შეურაცხმყოფელიც, მტკივნეულიც და დამაფიქრებელიც, თუმცა ეს გზა აირჩია ყოფილმა პრეზიდენტმა - დავით უსუფაშვილი

„შენების მოძრაობის“ ლიდერმა, დავით უსუფაშვილმა მიხეილ სააკაშვილის დაკავების ვიდეოს კომენტირებისას განაცხადა, რომ ეს შეურაცხმყოფელია, თუმცა იქვე აღნიშნა, რომ საქართველოს ექს-პრეზიდენტმა ეს გზა თვითონ აირჩია.

„სასიამოვნო არაფერია იმაში, რა კადრებიც ვიხილეთ. როდესაც საქმე ეხება ქვეყნის ყოფილ პრეზიდენტს, ეს არის შეურაცხმყოფელიც, მტკივნეულიც და დამაფიქრებელიც, მაგრამ სამწუხაროდ, ეს გზა აირჩია ყოფილმა პრეზიდენტმა. რაც შეეხება მის მომავალს, სამწუხაროდ, უკრაინელებმა არ გაითვალისწინეს ჩვენი გაფრთხილება მასთან დაკავშირებით. იმედია, ახლა პოლონელები მაინც გაითვალისწინებენ“, - განაცხადა უსუფაშვილმა.

გუშინ სპეცრაზმელთა ჯგუფმა სააკაშვილი კიევში, რესტორან „სულგუნში“ დააკავა. შემდეგ ოდესის ექს-გუბერნატორი კერძო თვითმფრინავით პოლონეთში გადაიყვანეს „რეადმისიასთან“ [არალეგალის იმ ქვეყანაში დაბრუნება, საიდანაც ის არალეგალურად შევიდა სხვა სახელმწიფოში] დაკავშირებული განცხადების მიხედვით, რომელიც პოლონურ მხარეს უკრაინის ეროვნულმა საიმიგრაციო სამსახურმა მიაწოდა.

ანა მებურიშვილი