პოლიტიკა

ერთი რეპერის ფბ სტატუსმა სამი სტრუქტურა ჩამოშალა - თინათინ ხიდაშელი

საქართველოს თავდაცვის ყოფილი მინისტრი, თინათინ ხიდაშელი ჯგუფ „ბირჟა მაფიის“ წევრების დაკავებასა და მათ სასამართლო პროცესს ეხმაურება.

როგორც ხიდაშელი ფეისბუკის საკუთარ გვერდზე წერს, ბერა ივანიშვილის სოლიდარობამ რეპერების მიმართ „სამი სტრუქტურა ჩამოშალა“.

„არ დაგვავიწყდეს ეს ის საქმეა ჯერ კიდევ გუშინ: 1.პატიმრობა რომ მოითხოვეს და მიიღეს 2. სასამართლოს რომ უთხრეს, საზღვრები დაუცველი გვაქვს და ამიტომ მიმალვის საფრთხეაო. 3. მოსამართლემაც პატიმრობის მისჯით საზღვრების დაუცველობა რომ დაადასტურა. 4. ამ საზღვრების დაუცველობაზე ჭიკჭიკი ვიზალიბერალიზაციას რომ საფრთხის ქვეშ აყენებენ. 5. სახელმწიფოზე მზრუნველები კონიუნქტურის გამო სახელმწიფოს ფეხქვეშ რომ თელავენ. 6. ერთი რეპერის ფბ სტატუსმა სამი სტრუქტურა რომ ჩამოშალა 7. შსს რომ ანგარიშსწორების ინსტრუმენტია, სრულად რომ გამოაჩინა 8. დასჯილი ჯერ არავინ რომ არ არის და პოლიტიკური პასუხისმგებობაც კი არავის აუღია, ბოდიშიც კი არ მოუხდია. 9. ის ისევ ახლაგაზრდებზე მზრუნველი მთავარი პორტფელის პატრონია. 10. პრემიერი უკვე მერამდენედ გამოძიების შედეგებს ელოდება და იგივეს მოითხოვს ჩვენგან“, - დაწერა ხიდაშელმა ფეისბუკის საკუთარ გვერდზე.

ანა მებურიშვილი