პოლიტიკა

ერთდროულად ჩემზე ამბობენ, რომ ცუდი ხასიათი აქვს და არავის არ ემორჩილებაო, ხოლო მეორე მხრივ, არ არის, თურმე , დამოუკიდებელიო - სალომე ზურაბიშვილი

„ძალიან რთულია, როცა ერთდროულად ჩემზე ამბობენ, რომ ცუდი ხასიათი აქვს და არავის არ ემორჩილებაო, ხოლო მეორე მხრივ, არ არის, თურმე , დამოუკიდებელიო“, - ასე უპასუხა დამოუკიდებელმა დეპუტატმა სალომე ზურაბიშვილმა ჟურნალისტის შეკითხვას, თუ რაში მდგომარეობს მისი დამოუკიდებლობა, როგორც საპრეზიდენტო კანდიდატის, იმ ფონზე, როცა „ქართული ოცნება“ ღიად უჭერს მხარს.

„მე მგონი ნათელია, ჩემი დამოუკიდებლობა რაში მდგომარეობს, ესაა ჩემი ცხოვრების პრინციპები, ამ ქვეყნის ჩემეული ხედვა, როგორი უნდა იყოს, როგორ უნდა განვითარდეს, როგორ უნდა არსებობდეს დღევანდელ მსოფლიოში, რა პერსპექტივები გააჩნია. ამაზე აზრს ვეღარავინ ვეღარ შემიცვლის, 66 წლის გავხდი და ჩემს მოსაზრებებს ვეღარავინ ვეღარ შემიცვლის.

ვიყავი დამოუკიდებელი პარლამენტარი, ვიყავი დამოუკიდებელი პოლიტიკოსი, ვიყავი საერთოდ დამოუკიდებელი ადამიანი და ძალიან რთულია, როცა ერთდროულად ჩემზე ამბობენ, რომ ცუდი ხასიათი აქვს და არავის არ ემორჩილებაო, ხოლო მეორე მხრივ, არ არის, თურმე , დამოუკიდებელიო. ასე რომ , შეთანხმდით და გადაწყვიტეთ“, -აღნიშნა ზურაბიშვილმა.

ცნობისთვის, სალომე ზურაბიშვილი საპრეზიდენტო არჩევნებზე თავის კანდიდატურას დააყენებს.