სამართალი

“ეროვნულ-დემოკრატიული მოძრაობის“ ლიდერ დავით შუკაკიძეს თავს დაესხნენ

“ეროვნულ-დემოკრატიული მოძრაობის“ ლიდერ დავით შუკაკიძეზე თავდასხმის ფაქტზე გამოძიება ჯგუფურად ცემის მუხლით დაიწყო.

დავით შუკაკიძეს თავს გუშინ, ლერმონტოვის ქუჩაზე, მის საცხოვრებელ სახლთან, დაესხნენ. დაშავებულს სხვადასხვა მოტეხილობა და თავის არეში, ბლაგვი საგნით მიყენებული დაზიანებები აღენიშნება.

შუკაკიძე მომხდარს პოლიტიკურ ანგარიშსწორებას უკავშირებს და ამბობს, რომ
მას თავს ორი შეიარაღებული პირი დაესხა.

„მე ვარ ყინწვისის სპეცოპერაციის მსხვერპლი, პოლიტპატიმარი. ყინწვისის თემაში სოსო გოგაშვილი ჩვენს ჯგუფში იყო ჩანერგილი. რატომღაც ის დარჩა მსჯავრის გარეშე. ის იყო ინფორმაციის გამტანი და მომტანი ჩვენთან. მე ვამხილე ამ ფაქტში სოსო გოგაშვილი“, - განუცხადა შუკაკიძემ ჟურნალისტებს „ნიუ ჰოსპიტალში“, სადაც მას გამოკვლევები ჩაუტარდა.