სამართალი

ემზარ კვიციანი პარლამენტში „მოქალაქეობის შესახებ ორგანულ კანონში“ შესატანი ცვლილებების ინიციატორი გახდა

„საქართველოს დემოგრაფიული საზოგადოება XXI“ დირექტორი ზვიად ტომარაძე საქართველოს „მოქალაქეობის შესახებ ორგანულ კანონში“ შესატანი ცვლილების ინიციატივით გამოვიდა.

ამის შესახებ ტომარაძემ „პარტიოტთა ალიანსის“ წევრ ემზარ კვიციანთან ერთობლივ პრესკონფერენციაზე განაცხადა.

„მოქალაქეობის შესახებ ორგანულ კანონში“ გვაქვს სურვილი, რომ შევიდეს ცვლილებები. კერძოდ, პირველი ცვლილება ეს არის, რომ უცხოელი მოქალაქეებისთვის გამკაცრდეს საქართელოში მოქალაქეობის მიღება. არსებული 5-წლიანი ცხოვრების ვადა შეიცვალოს 10 წლით. მეორე საკითხი, ეთნიკურად ქართველებს შეეხება, რომლებსაც აქვთ ქართული გვარი, თავს ქართველებად თვლიან, იციან ქართული ენა და საქართველოს ისტორია , ამ ხალხს გამარტივებული წესით მიენიჭოს საქართველოს მოქალაქეობა“,-განმარტა ტომარაძემ.

ტომარაძემ ემზარ კვიციანს მადლობა გადაუხადა, რომ პოლიტკოსმა სურვილი გამოთქვა იყოს პარლამენტში აღნიშნული კანონის ინიციაიტორი.

თავის მხრივ, ემზარ კვიციანმა აღნიშნა, რომ ყველა ეროვნულ კანონს დაუჭერს მხარს და იქნები მისი ინიციატორი პარლამენტში.

მონიკა დავლიანიძე