სამართალი

ელისო კილაძემ მისი შვილის საქმესთან დაკავშირებით ახალი ვიდეომსალა გაასაჯაროვა

გაზეთ "ქრონიკა +"-ის რედაქტორმა, ელისო კილაძემ მისი შვილის, დავით ხარშილაძის საქმესთან დაკავშირებით ახალი დეტალები გაასაჯაროვა, კერძოდ ფირი, სადაც, მისი თქმით ირკვევა, რომ სამართალდამცველების მიერ შედგენილ ოქმში მოცემული ფაქტები სიმართლეს არ შეესაბამება.

ჟურნალისტის განცხადებით, ვიდეომასალა მას ერთ-ერთმა მოწმემ მიაწოდა, რომელიც შეესწო ხარშილაძის დაკავების მომენტს.

ელისო კილაძემ დღეს პრესკონფერენცია სწორედ აღნიშნულ მოწმესთან, შორენა ლალიაშვილთან ერთად გამართა.

ლალიაშვილის თქმით, დაკავებულ ხარშილაძეს იგი წლებია იცნობს და შესაბამისად დაინტერესედა, თუ რისთვის აკავებდნენ მას.

როგორც ვიდეოფირის ავტორი ამბობს, დაკავების მომეტში მან ადგილეზევე არაერთხელ მიმართა თხოვნით პოლიციელებს, რომ დასწრებოდა ჩხრეკას, რაზეც უარი მიიღო.

ვიდეომასალაში ისმის თავად დაკავებულის ხმაც, რომელიც ამბობს, რომ არავითარი ნარკოტიკი არ აქვს.

ამასთან, ელისო კილაძის მტკიცებით, ვიდეოში ჩანს, თუ როგორ იცმევს პოლიციის თანამშრომელი ზაქარია ვასაძე მწვანე ხელთათმანს და მანქანიდან სავარაუდოდ ნარკოტიკულ ნივთიერებას იღებს, რომელიც შემდეგ დავით ხარშილაძეს ჩაუდეს.

,,გუშინ გლდანის ციხეში გამოიკითხა ჩემი შვილი დავით ხარშილაძე. მან მისცა ჩვენება,რომ ზაქსრია ვასაძემ ჩაიცვა მომწვანო რეზინის ხელთათმანები და სწორედ ამ მანქანიდან ამოიღო ის ნარკოტიკები, რომელიც მას ქურთუკის ჯიბეში ჩაუდო’’, - აცხადებს ელისო კილაძე,

მისივე თქმით, ვიდეოფირზე ასევე ჩანს, რომ ადგილზე 12 პოლიციელი იმყოფება, ოქმში კი, მხოლოდ სამია მითითებული.

საქმესთან დაკავშირებით შორენა ლალიაშვილი დღეს 15:00 საათზე თბილისის პროკურატურაშია დაბარებული.

ნინო ექვთიმიშვილი