სამართალი

ელისო კილაძე შვილის დაკავებაზე - დაკავებისას რაღაც ორი პაკეტი ჩაუდეს

,,ქრონიკა პლუსის’’ რედაქტორის, ელისო კილაძის ვაჟი დაკავებულია.

აღნიშნულტან დაკავშირებით კილაძე სოციალურ ქსელში წერს.

,,დაკავებისას რაღაც ორი პაკეტი ჩაუდეს. არ მისცეს ზარის განხორციელების უფლება, ჩხრეკას არ დაასწრეს არავინ-ნარკოლოგიურის ექიმმა ვიზუალური დათვალიერებით ნარკოტიკული თრობა გამორიცხა, რაკი მოწმეებზე უარი უთხრეს, შარდის ანალიზი არ ჩააბარა. ადვოკატის მისვლის მერე თავად მოითხოვა და ჩააბარა ანალიზი ორჯერ. ორჯერვე სუფთა იყო-მესამე ანალიზისთვის გაგზავნილია ექსპერტიზაზე.

ორი პაკეტი არის რაღაც

- ფხვნილი და აბები. ექსპერტიზა ჯერ არ ჩატარებულა, ამიტომ სრულიად გაუგებარია, რატომ დაიწყეს გამოძიება 260-ე მუხლით.

მადლობელი ვარ რომ ციანიდი არ ჩაუდეს, არც კიევი-თბილისის ბილეთი ჰქონდა.

ვიცი რა ბრძოლაშიც ვიყავი, ველოდი, მე და ჩემს შვილს ამ თემაზე ხშირად გვილაპარაკნია. მხნედაა-მზადაა ბრძოლისთვის.

p.s.ორივე ინფორმატორის ვინაობა ვიცი, ვიცი როგორ დაიგეგმა და მზადდებოდა "სპეცოპერაცია" რატომ იყო ის უბანი დილიდან პოლიციელებით სავსე’’, - წერს ელისო კილაძე.

,,ქრონიკა პლუსის’’ რედაქტორი საზოგადოებას მოუწოდებს, დღეს 14:00 საათისთვის მასთან ერთად შეიკრიბონ თბილისის პოლიციის მთავარ სამმართველოს შენობასთან.

,,ვისთვისაც სულერთი არაა ჩემი და თქვენი შვილების ბედი, ორ საათზე გელოდებით ქ.თბილისის პოლიციის მთავარ სამმართველოსთან.

იქ გეტყვით ჩემს სამოქმედო გეგმას’’, -წერს კილაძე ფეისბუქის პირად გვერდზე.