სამართალი

ელისო კილაძე პოლიციელებს მთავარ პროკურატურაში უჩივის

გაზეთ „ქრონიკა პლუსის“ მთავარმა რედაქტორმა ელისო კილაძემ მთავარ პროკურატურას პოლიციელების წინააღმდეგ სარჩელით მიმართა. მისი თქმით, სამართალდამცველებმა კანონი დაარღვიეს, როდესაც რამდენიმე დღის წინ რუსთაველის გამზირზე მიმდინარე სარალიძე-მაჩალიკაშვილის აქციის დროს შეკრებილებს საწვიმარი კარვის გაშლის უფლება არ მისცეს, მოგვიანებით კი ეს კარავი პოლიციელებმა წაიღეს.

კილაძემ აღნიშნა, რომ ეს მშვიდობიანი აქციის მონაწილეებისთვის ხელის შეშლა იყო, რასაც საგამოძიებო უწყების მხრიდან რეაგირება უნდა მოჰყვეს.

„სახალხო დამცველმაც გააკეთა ამასთან დაკავშირებით განცხადება. ისიც მიიჩნევს, რომ ეს ყველაფერი იყო უკანონო. ველოდები ძალიან მყისიერ რეაქციას მთავარი პროკურორის მხრიდან“, -თქვა კილაძემ.