პოლიტიკა

ელენე ხოშტარია, „ევროპული საქართველოს“ თბილისის მერობის კანდიდატად დასახელდა

პარტია „ევროპულმა საქართველომ“, თბილისის მერობის კანდიდატად ელენე ხოშტარია წარადგინა.

პარტიის ყრილობა სპორტის სასახლეში დღეს გაიმართა.

გარდა ამისა, ყრილობაზე, პარტიის თავმჯდომარე, გენერალური მდივანი და პოლიტიკური საბჭოს ხელმძღვანელიც დასახელდა.

როგორც სიტყვით გამოსვლის დროს თბილისის მერობის კანდიდატმა, ელენე ხოშტარიამ განაცხადა, მერად არჩევის შემთხვევაში, იგი სოციალურ დახმარებასა და პენსიას 50 ლარით გაზრდის.

გარდა ამისა, ხოშტარიას თქმით, თბილისი შესაძლებლობების ქალაქი უნდა გახდეს.

მისივე თქმით, ქალაქის მერი არ არის ქალაქის მფლობელი, იგი ხალხის წინაშეა ანგარიშვალდებული.

„ქალაქის მერი არ არის ქალაქის მფლობელი. ქალაქის მერობა და მმართველობა - არის პასუხისმგებლობა. პასუხისმგებლობა,რომ ჩვენი განსხვავებები მოსაზრებებში, გემოვნებებში, შესაძლებლობებში იყოს არა კონფლიქტის, არამედ მრავალფეროვანი შესაძლებლობების სივრცე. ამიტომ, მე გპირდებით, რომ მთელი ჩემი ენერგია იქნება მიმართული იმაზე, რომ ჩვენ აქ, ჩვენს ქალაქში შევქნათ შესაძლებლობების ქალაქი შესაძბლებლობების ქალაქი ახალაგზრდებისთვის, პენსიონერებისთვის, მშრომელებისთვის, სოციალურად გაჭირვებულებისთვის და ჩვენი საზოგადოების ყველა ჯგუფისთვის“,-განაცხადა ხოშტარიამ.

მონიკა დავლიანიძე