პოლიტიკა

ეკა ბესელია მმართველ გუნდში კრიზისის არსებობას უარყოფს

პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, მმართველ გუნდში არავითარი ორი ბანაკი და კრიზისი არ არის. ამის შესახებ მან უმრავლესობის შიგნით არსებულ დაპირისპირებაზე საუბრისას განაცხადა.

ბესელია კოლეგებს მოუწოდებს, მსგავსი საკითხები შიდა საუბრებით მოაგვარონ.

„არ მიმაჩნია, რომ იყოს კარგი სტანდარტი პირადი მიმოწერების, პირადი საუბრების, კერძო სივრცის საჯარო სივრცეში გადმოტანა. ეს აკრძალული გვაქვს კანონმდებლობით და აუცილებელია, ყველამ დაიცვას ეს სტანდარტი. ფორმულირება „მაღალი საზოგადოებრივი ინტერესი“ შეიძლება ყველაფერზე გამოიყენო, მაგრამ ეს არ ეხება საჯარო სივრცეს.

ბესელიას თქმით, საჯარო სივრცეში განსახილველი საკითხები აღარ არის და მას დიდი სურვილი აქვს ამ თემებზე სიუჟეტებიც და კომენტარებიც დასრულდეს.

„მე არ ვფიქრობ, რომ გუნდში კრიზისია, არ ვფიქრობ, რომ ეს არის ისეთი მოცემულობა ან ისეთი ხდება რაიმე, რომ შეუძლებელია დიალოგითა და საუბრით გადაწყვეტა. ვისურვებ, ჩვენი ენერგია მივმართოთ იმ საქმეების მოგვარებაზე, რისთვისაც ხალხმა აგვირჩია და არა შიდა საუბრების თუ განწყობების გარჩევაზე“, - განაცხადა ეკა ბესელიამ.

ცირა გურგენიძე