სამართალი

ეკა ბესელია მისი ადვოკატობის დროინდელ საქმესთან დაკავშირებით დაიკითხება

თბილისის სააპელაციო სასამართლოში ე.წ. ფოტორეორტიორების საქმის განხილვის დროს, პროკურორმა, ემზარ გაგნიძემ დეპუტატ ეკა ბესელიას და მთავარი პროკურორის ყოფილი მოადგილის დავით ჩხატარაშვილის დაკითხვის შუამდგომლობა დააყენა.

პროკურორის განმარტებით, 2011 წელს, ეკა ბესელია ერთ-ერთი დაკავებული ფოტორეპორტიორის ადვოკატი იყო, თუმცა მაშინ ბრალდებულმა ბესელიას მიერ დაცვაზე უარი თქვა და სახაზინო ადვოკატი მოითხოვა.

დღევანდელ პროცესზე სახელმწიფო ბრალდება და თავად ფოტორეპორტიორები შესავალი სიტყვებით წარსდგნენ. პროკურორმა იმ გარემოებებზე ისაუბრა, რის საფუძველზეც პროკურატრამ ახალი გამოძიების ფარგლებში დაადგინა, რომ ფოტორეპორტიორები უდანაშაულოები არიან და მათ მიმართ გამამართლებელი განაჩენის გამოტანა იშუამდგომლა.

თავის მხრივ, ფოტორეპორტიორებმა ირაკლი და ნათია გედენიძეებმა, ზურაბ ქურციკიძემ და გია აბდალაძემ საქმის დაჩქარებული წესით განხილვა ითხოვეს და აღნიშნეს, რომ სასამართლოსგან გამამართლებელ განაჩენს ელოდებიან.

მომდევნო პროცესი 1 ივნისისთვის დაინიშნა, სადაც სახელმწიფო ბრალდება მტკიცებულებების გამოკვლევას და მოწმეების დაკითხვას დაიწყებს.

ნინო ექვთიმიშვილი