პოლიტიკა

ეკა ბესელია იმედოვნებს, რომ არჩილ ტატუნაშვილთან დაკავშირებულ რეზოლუციაზე ხელისუფლება და ოპოზიცია პოზიციებს შეაჯერებენ

პრემიერის განცხადება, რომელიც ძალიან მაღალი სახელმწიფოებრივი პასუხისმგებლობით არის ნაკარნახევი, ჩვენი სამშვიდობო პოლიტიკის შინაარსის დემონსტრირებაა, – განუცხადა ჟურნალისტებს საპარლამენტო უმრავლესობის წევრმა, ეკა ბესელიამ.

მისი თქმით, პრემიერ-მინისტრის მიმართვა აბსოლუტურად არ ეწინააღმდეგება პარლამენტში უმრავლესობის მიერ ინიცირებული რეზოლუციის სულისკვეთებას.

„მე აქ ვერავითარ წინააღმდეგობას ვერ ვხედავ. პრემიერის განცხადება, რომელიც ძალიან მაღალი სახელმწიფოებრივი პასუხისმგებლობით არის ნაკარნახევი, არის ჩვენი სამშვიდობო პოლიტიკის შინაარსის დემონსტრირება. ეს არის ის პოზიცია, რასაც ჩვენ მუდმივად გვიმეორებენ ჩვენი საერთაშორისო პარტნიორები“, – განაცხადა ეკა ბესელიამ.

დეპუტატის თქმით, რეზოლუციის პროექტთან დაკავშირებით აბსოლუტურად შესაძლებელია უმრავლესობის და უმცირესობის ერთ ტექსტზე შეჯერება.

მმართველი გუნდის წევრი იმედოვნებს, რომ კონსულტაციები პოზიციების შეჯერებით დასრულდება.

ნინო ექვთიმიშვილი