პოლიტიკა

ეფექტიანი კონსტიტუციური რეფორმა განხორციელდა მხოლოდ შევარდნაძის დროს - მამუკა კაციტაძე

ქვეყნის მეთაურმა თავისთავი დაინახა საკონსტიტუციო კომისიაში, – განაცხადა დღეს გამართულ პრესკონფერენციაზე „ახალი მემარჯვენეების“ ლიდერმა მამუკა კაციტაძემ.

მისი თქმით, პრეზიდენტი არ უნდა ყოფილიყო კომისიის რიგითი წევრი.

„არ არის კარგი, რომ პრეზიდენტი ამ კომისიიდან არის გარიყული. პრეზიდენტს სურდა, რომ თანათავმჯდომარის სახით ჩართულიყო ამ კომისიაში, რაზეც უარი მიიღო. ეს თავისთავად გულისხმობდა, რომ პრეზიდენტს უარი უთხრეს”, – განაცხადა კაციტაძემ.

მისივე თქმით. კომისიის გარეთ დატოვებული ორგანიზაციები საკონსტიტუციო თემასთან დაკავშირებით სხვა მექანიზმით ეცდებიან თანამონაწილეობას.
ამასთან, როგორც კაციტაძემ აღნიშნა, სერიოზული კონსტიტუციური რეფორმა საქართველოში არ მომხდარა 25 წლის მანძილზე.

„ახალი მემარჯვენეების“ წევრი ფიქრობს, რომ კონსტიტუციის რეფორმა საკმაოდ რთული გასატარებელია და ერთადერთი ვინც ეს შეძლო, ედუარდ შევარდნაძე იყო.

„ეფექტიანი კონსტიტუციური რეფორმა განხორციელდა მხოლოდ შევარდნაძის დროს. 25 წლის მანძილზე კონსტიტუციას ხელი არ დადებია. მიხეილ სააკაშვილმაც ვერ შეძლო ეს. „ქართულმა ოცნებამ გამოხატა ნება, რომ შეცვალოს კონსტიტუცია, მაგრამ ეს არაა მხოლოდ სახელმწიფო შტოებს შორის თანამშრომლობის საკითხი, ეს არის ყველაფერი ერთად, ესე იგი „ქართული ოცნება“ ცდილობს კონსტიტუციური რეფორმის გატარებას. კარგია, რომ ამის სურვილი აქვთ, მაგრამ ცუდია, რომ თანმიმდევრულად ვერ ახორციელებენ ამას,“-განაცხადა მამუკა კაციტაძემ.