პოლიტიკა

ედისონ რისერჩის ეგზიტპოლებით, ქუთაისში 52%-ით „ქართული ოცნების“ მერობის კანდიდატი იმარჯვებს

კვლევითი კომპანია „ედისონ რისერჩის“ საბოლოო ეგზიტპოლებით, ქუთაისის მერობის კანდიდატებს შორის 52%-ით ლიდერობს „ქართული ოცნების“ კანდიდატი გიორგი ჩიღვარია, მეორე ადგილზე გავიდა „ერთიანი ნაციონალური მოძრაობის“ კანდიდატი გიორგი ვაშაძე 26%-ით. ამ შედეგებით მეორე ტურის გამართვის ალბათობა არ იკვეთება.

დანარჩენი მონაცემები პირველადი შედეგებისგან უცვლელი დარჩა:
დავით გოგისვანიძე (ევროპული საქართველო) - 8%
გოგი წულაია (დემოკრატიული მოძრაობა -თავისუფალი საქართველო) - 7%
გრიგოლ ბახტაძე (პატრიოტთა ალიანსი) - 3%
სამსონი გუგავა (ლეიბორისტული პარტია) -2%
ზვიადი ბაღდავაძე (ახალი საქართველო) – 1%
რაც შეეხება პარტიულ რეიტინგებს, აქ „ქართული ოცნება“ ლიდერობს 53%-ით, მეორე ადგილზეა ენმ 22%-ით. სამეულს ხურავს „ევროპული საქართველო“ 10%-ით. დემოკრატიულმა მოძრაობამ მხოლოდ 3% მიიღო.

„ედისონ რისერჩმა“ კველვა რუსთავი 2-ის დაკვეთით შეასრულა. ცდომილების ალბათობა 3%-მდე შეადგენს.

ანა მებურიშვილი