სამართალი

ძალიან გვჭირდება, რომ მოსამართლის არჩევის პროცესი რაც შეიძლება კარგად და ღირსეულად მალე დასრულდეს - თეა წულუკიანი

დღეს გახდება ცნობილი, თუ ვინ გაიარა გასაუბრება ევროსაბჭოს საპარლამენტო საერთაშორისო კომიტეტში.

29 სექტემბერს კომიტეტში გასაუბრება ლადო ჭანტურიას, ლალი ფაფიაშვილს და ოთარ სიჭინავას ქონდათ.
აღნიშნული გასაუბრება სამეტაპიანი კონკურსის მეორე ეტაპია, რომელზეც ერთს, ან ორ კანდიდატს შეარჩევენ.

შერჩეულ კანდიდატებს,ან კანდიდატს კი, ფინალურ ეტაპზე უკვე ევროსაბჭოს საპალამენტო ასამბლეაზე უყრიან კენჭს.

საქართველოს იუსტიციის მინისტრი თეა წულუკიანი რაიმე ნეგატიურ სიურპრიზს არ ელოდება.

„მე არ ველდოები რამე ნეგატიურ სიურპრიზებს. მე ველოდები, რომ საქართველოდან არჩეული იქნება ღირსეული მოსამართლე, რომელიც გააგრძელებს ჩვენი ქვეყნიდან გაგზავნილი საჩივრების შესწავლას სხვა თავის კოლეგებთან ერთად დამოუკიდებლად და მიუკერძოებლად.

ჩვენთვის ძალინ მნიშვნელოვანი საქმეები იხილება სტრასბურგის სასამართლოში, ეს გახლავთ რუსეთის წინააღმდეგ მიმდინარე ორი საჩივარი და ჩვენ ძალიან გვჭირდება, რომ მოსამართლის არჩევის პროცესი რაც შეიძლება კარგად და ღირსეულად მალე დასრულდეს“,-აღნიშნა მინისტრმა.

სტარსბურგის ადამიანის უფლებათა ევროპულ სასამართლოში საქართველოდან გაგზავნილი მოსამართლე უფლებამოსილებას 9 წლის განმავლობაში შეასრულებს.

მონიკა დავლიანიძე