სამართალი

”დრიმ თაუნის“ საცხოვრებელ კომპლექსში დაცვის თანამშრომელი დაჭრეს

თბილისში, ”დრიმ თაუნის“ საცხოვრებელ კომპლექსში დაცვის თანამშრომელი დაჭრეს.

როგორც თვითმხილველები ყვებიან, დაჭრას წინ უძღოდა სიტყვიერი დაპირისპირება დაცვის თანამშრომელსა და ადგილობრივ მცხოვრებს შორის. ჩხუბი კი მას შემდეგ დაიწყო, რაც დაცვამ მას მანქანის მისთვის სასურველს ადგილზე გაჩერების უფლება არ მისცა.

არსებული ინფორმაციით, 19 წლის ბიჭი, რომელსაც ყელის და შუბლის არეში 4 ჭრილობა აქვს მიყენებული და მათგან ორი მსუბუქია, ხოლო ორზე სამედიცინო ჩარევა გახდა საჭირო. დაჭრილი საავადმყოფოში გადაიყვანეს, თუმცა ის უკვე ბინაზეა გაწერილი.

შს-ს ინფორმაციით, მომხდარზე მიმდინარეობს გამოძიება სსკ-ის 120-ე მუხლით, რაც ჯანმრთელობის მსუბუქ დაზიანებას გულისხმობს. მათივე ცნობით, დანაშაული ცხლე კვალზე გაიხსნა და მიმდინარეობს საგამოძიებო მოქმედებები.