სამართალი

დოდო გუგეშაშვილის ინფორმაციით, პირი, რომელიც მას და მის შვილს თავს დაესხა, მასთან დახმარების სათხოვნელად იყო მისული

დოდო გუგეშაშვილი თავდასხმის დეტალებს იხსენებს. ტელეკომპანია "იმედთან" საუბარში გუგეშაშვილი მომხდარზე საუბრობს და ამბობს, რომ თავდამსხმელის მისვლიდან რამდენიმე წუთში მის ბინაში ელექტროენერგია გაითიშა.

როგორც გუგეშაშვილი იხსენებს, ის სანთლის მოსატანად საძინებელში გავიდა, დაბრუნებულს კი, მამაკაცმა მას ,,დამიზნებით ესროლა გულში.“

მისი თქმით, თავდასხმელის პირველი მსხვერპლი თავად იყო, რადგან ამ დროს მის შვილს, ნოდარ გუგეშაშვილს ეძინა.

დოდო გუგეშაშვილის ინფორმაციით, პირი, რომელიც მას და მის შვილს თავს დაესხა, მასთან დახმარების სათხოვნელად იყო მისული. მას სურდა უკრაინაში მყოფი გუგეშაშვილის მეგობრები ქარვის აეროპორტში უსაფრთხოდ მიტანაში დახმარებოდნენ, რათა მას ძვირფასი ქვა თურქეთში გაეტანა.

ცნობისათვის, შეიარაღებული ძალების თადარიგის პოლკოვნიკ დოდო გუგეშაშვილსა და მის შვილს ცეცხლსასროლი იარაღიდან 7 თებერვალს ესროლეს.

შვილი გრიგოლ გუგეშაშვილი ადგილზე გარდაიცვალა, დოდო გუგეშაშვილი კი მძიმედ დაიჭრა.