სამართალი

ჯერჯერობით ვერ ვხედავ, რომ რამე კეთდება, სამართლიანობის აღდგენისთვის, ეს უფრო პიარს გავს- ნანა კაკაბაძე

უფლებადამცველის ნანა კაკაბაძეს განცხადებით, ის ჯერჯერობით ვერ ხედავს, რომ სახელმწიფო რამეს აკეთებდეს, რომ საზოგადოებამ სამართლიანობის აღდგენა საკუთარ თავზე იგრძნოს.

ამის შესახებ კაკაბაძემ, საჯარო დისკუსია „წარსულში ადამიანის უფლების დარღვევა და სახელმწიფო რეაგირების პოლიტიკის“ფარგლებში განაცხადა.

მისი თქმით, კონფერენცია უფრო პიარს ჰგავს.

„ჯერჯერობით მე ვერ ვხედავ, რომ მართლაც კეთდება იმისათვის, რომ საზოგადოებამ იგრძნოს თავის თავზე იმ უფლებების აღდგენა, რომელიც მათ ჰქონდათ დარღვეული ცხრა წლის განმავლობაში. უფრო, ეს პიარს ჰგავს, ვიდრე სამართლიანობის აღდგენას. ვნახოთ,ჯერ მხოლოდ დასაწყისია. თუ ამას მართლაც მოჰყვება რეალური შედეგები, თუნდაც ერთ საქმეზე, ორ საქმეზე დადგება რეალური გადაწყვეტილება, მაშინ უკვე შეიძლება ვისმჯელოთ, რომ ხელისუფლებას მართლაც აქვს ნება, რომ აღადგინოს სამართლიანობა“,-აღნიშნა უფლებადამცველმა.

მონიკა დავლიანიძე