პოლიტიკა

დიმიტრი ხუნდაძე ცეზარ ჩოჩელს ქვეყნის სასიკეთო საქმეში მხარდაჭერას ჰპირდება

,,ქართული ოცნების“ წევრმა დიმიტრი ხუნდაძემ მცხეთის #37-ე მაჟორიტარულ ოლქში მის ყოფილ კონკურენტს ცეზარ ჩოჩელს მიმართა და ქვენის სასიკეთო საქმეში მხარდაჭერა აღუთქვა. როგორც ხუნდაძემ დღეს გამართულ პრესკონფერენციაზე განაცხადა, წაგების აღიარება უნდა შეგვეძლოს და სიძულვილის ენით საუბარი უნდა შეწყდეს.

,,ჩვენ უნდა შევძლოთ ერთად თანაცხოვრება, მე მივმართავ ჩემს ოპონენტს , რომ ნებისმიერ საქმეში, რის განხორციელებასაც ის გადაწყვეტს ქვეყნის სასიკეთოდ, ჩემგან მხარდაჭერა ექნება ,თუკი მისი სურვილი იქნება.

არჩევნები დამთავრდა და უნდა შეგვეძლოს წაგების აღიარებაც, მოგებისაც, მაგრამ ყველამ უნდა ვიზრუნოთ იმაზე, რომ აღარ ვისაუბროთ სიძულვილის ენით და ეს აგრესია შევაჩეროთ. მე არ ვარ მხოლოდ ჩემი ამომრჩევლის დეპუტატი“, - განაცხადა დიმიტრი ხუნდაძემ.

შეგახსენებთ, ცენტრალური საარჩევნო კომისიის წინასწარი მონაცემებით, დიმიტრი ხუნდაძემ მცხეთის მაჟორიტარულ ოლქში გამართულ მეორე ტურში ხმების 50,11% მიიღო.

მარი ნამგალაძე