პოლიტიკა

დიდი მოლოდინი გვაქვს საქართველოს მთავრობისგან, რომ აფგან მუხთარლის საქმეს მალე გამოიძიებენ - გერმანიის ელჩი საქართველოში

საქართველოში გერმანიის ელჩი, ჰაიკე ფაიჩი იმედოვნებს, რომ აზერბაიჯანელი ჟურნალისტის, აფგან მუხთარლის საქმეს ქართული მხარე მალე გამოიძიებს. მისი თქმით, მუხთარლის ფაქტი არ შეესაბამება საქართველოს მისწრაფებას, შექმნას დემოკრატიული ქვეყანა.

„ამ გარემოებას ჩვენ დიდი წუხილით ვაკვირდებით და დიდი მოლოდინი გვაქვს მთავრობის მხრიდან, რომ ეს შემთხვევა ძალიან მალე იქნება გამოძიებული. უნდა გაირკვეს ის გარემოებები, თუ რატომ მოხდა ეს. საქართველოს დემოკრატიის გზაზე აქვს პასუხისმგებლობა, რომ დაცული იყოს ადამიანის უფლებები და ეს შემთხვევა არ შეესაბამება ზუსტად ამ სტანდარტებს. ჩვენი მთავრობა, ჩვენი საელჩო და სამოქალაქო საზოგადოება დიდი ინტერესით ვაკვირდებით ამ შემთხვევას და დიდი მოლოდინი გვაქვს საქართველოს მთავრობისგან, რომ ძალიან მალე იქნება გამოძიება ჩატარებული“, - განაცხადა გერმანიის ელჩმა.

ანა მებურიშვილი