სამართალი

დღეს გამოკითხული არასრულწლოვნებისთვის გამოძიებას ის კითხვები არ დაუსვამთ, რომლის დასმაც აუცილებელი იყო - სერგო რატიანი

შინაგან საქმეთა სამინისტროს და გამოძიებას ამ ახალგაზრდებისთვის ის კითხვები არ დაუსვამთ, რომელიც აუცილებელი იყო, რომ დასმულიყო და ზოგიერთი მათგანი გამოკითხულიც არ იყო, - განუცხადა ჟურნალისტებს ხორავას ქუჩაზე მოზარდების მკვლელობის საქმეზე შექმნილი დროებითი საგამოძიებო კომისიის ერთ-ერთმა წევრმა, სერგო რატიანმა.

“გრძელდება არასრულწლოვნების გამოკითხვა. ფაქტობრივად, ბოლოსკენ ვართ გასული. ზოგადად, გუშინაც ვთქვით, რომ არის ახალი, ძალიან მნიშვნელოვანი გარემოებები, რასაც ოპერატიულ რეჟიმში ჩვენ შს სამინისტროს ვაწვდით და მოგეხსენებათ ისიც, რომ შს სამინისტროს და გამოძიებას ამ ახალგაზრდებისთვის ის კითხვები არ დაუსვამთ, რომელიც აუცილებელი იყო, რომ დასმულიყო და ზოგიერთი მათგანი დაკითხულიც არ იყო“, - განაცხადა რატიანმა.

მისივე თქმით, საგამოძიებო კომისია შს სამინისტროს ინფორმაციას აწვდის და სთხოვს, რომ დროული რეაგირება იქონიონ.

ნინო ექვთიმიშვილი