პოლიტიკა

დღეს ეროვნული უშიშროების საბჭოს სხდომა გაიმართება

დღეს 15 საათზე პრეზიდენტის რეზიდენციაში საქართველოს ეროვნული უშიშროების საბჭოს სხდომა გაიმართება.

შეხვედრაზე იქნება განხილული შემდეგი თემები:

საქართველოს სამხედრო ძალების რაოდენობა 2018 წლისათვის;წლისათვის;

სამხედრო აღმშენებლობასა და ქვეყნის თავდაცვის ორგანიზაციასთან დაკავშირებული საკითხები (2.1. ნატო-საქართველოს არსებითი პაკეტის განხორციელების პროგრესი; 2.2. საქართველოს თავდაცვის მზადყოფნის პროგრამა; 2.3. საქართველოს ეროვნული თავდაცვის გეგმის პროექტის საკვანძო საკითხები);

საერთაშორისო სამშვიდობო მისიებში საქართველოს შეიარაღებული ძალების შესაბამისი ქვედანაყოფებისა და სამხედრო მოსამსახურეების მონაწილეობა და იქ არსებული უსაფრთხოების გარემო;

რუსეთის ფედერაციის მიერ ბოლო პერიოდში განხორციელებული სამხედრო სწავლებები საქართველოს ოკუპირებულ ტერიტორიებზე და მათი გავლენა ქვეყნის თავდაცვისუნარიანობაზე;

მზადება ნატო-ს მომავალი სამიტისათვის.

სხდომაზე საკითხის მომხსენებლები იქნებიან თავდაცვის მინისტრი ლევან იზორია, გენშტაბის უფროსი ვლადიმერ ჩაჩიბაია, სახელმწიფო უსაფრთხოების სამსახურის უფროსი ვახტანგ გომელაური და საგარეო საქმეთა მინისტრი მიხეილ ჯანელიძე. ასევე სხდომაში მიწვეულები არიან საბჭოს მუდმივი წევრები.

გავრცელებული ინფორმაციით, სხდომას დაესწრება საქართველოს პრემიერ-მინისტრი გიორგი კვირიკაშვილი.