პოლიტიკა

დღეს ჩვენ უნდა დავასრულოთ არა ერთპარტიული, არამედ ერთი პიროვნების, ოლიგარქის აბსოლუტური მმართველობა ქვეყანაში - გიგა ბოკერია

„ევროპული საქართველოს“ ერთ-ერთი ლიდერის, გიგა ბოკერიას განცხადებით, არ უნდა იყოს დაშვებული, რომ ქვეყნის პრეზიდენტი გახდეს პირი, რომლის შეხედულებები ქვეყნის უსაფრთხოებასა და მომავალს საფრთხეს უქმნის. ამის შესახებ პარლამენტარმა ჟურნალისტებს საკუთარი არჩევანის დაფიქსირების შემდეგ განუცხადა.

მისივე თქმით, უნდა დასრულდეს ბიძინა ივანიშვილის აბსოლუტური მმართველობა საქართველოში.

„მოლოდინი მაქვს, რომ დღეს უნდა იყოს მაღალი აქტიურობა. დღეს არის ძალიან მნიშვნელოვანი დღე. დღეს არ წყდება იმის ბედი, ვინ გახდება უბრალოდ პრეზიდენტი. ეს ძალიან მნიშვნელოვანი საკითხია. დღეს ჩვენ უნდა დავასრულოთ არა ერთპარტიული, არამედ ერთი პიროვნების, ოლიგარქის აბსოლუტური მმართველობა ქვეყანაში. დღეს არ უნდა დავუშვათ, რომ ქვეყნის პრეზიდენტი გახდეს პირი, რომლის შეხედულებები პირდაპირ საფრთხეს უქმნის ჩვენი ქვეყნის უსაფრთოებასა და მომავალს.

დღეს არ უნდა დავუშვათ ის, რომ ასე ცინიკურად, უტიფრად შეეძლოს ამ ერთ კაცს, ოლიგარქ ივანიშვილს და მის გუნდს იმის თქმა, როგორც ჩვენ გვინდა ისე იქნება ხალხისა და მოქალაქეების ნების საწინააღმდეგოდ.

ეს არის დასაწყისი, მაგრამ მნიშვნელოვანი დასაწყისი ჩვენი ქვეყნის მომავლისთვის. ამიტომ ყველას მოვუწოდებ, მოვიდნენ არჩევნებზე და მისცეს ხმა ამ ყველაფრის დასრულებას", - განაცხადა ბოკერიამ.