პოლიტიკა

დღეს აუდიტის სამსახურში „ევროპული საქართველოს“ და „ქართული ოცნების“ 4 შემომწირველს ელოდებიან

დღეს აუდიტის სამსახურში „ქართული ოცნებისა“ და „ევროპული საქართველოს“ კიდევ 4 შემომწირველს გამოჰკითხავენ. ამის შესახებ პარტიების ფინანსური მონიტორინგის ხელმძღვანელმა ზურან აზნაურაშვილმა განაცხადა.

„დღეს ველოდებით 4 პირს, რომლებმაც განახორციელეს შემოწირულობები „ევროპული საქართველოსა“ და „ქართული ოცნების“ სასარგებლოდ. ამ პირებმა უნდა წარმოადგინონ დამატებითი ინფორმაცია მათ შემოსავლებთან დაკავშირებით, თუ რა წყაროებით განახორციელეს შემოწირულობა“, -განაცხადა აზნაურაშვილმა.

პოლიტიკური პარტიების ფინანსური მონიტორინგის უფროსის ინფორმაციით, შემომწირველთა მცირე მოცულობის შემოსავალი დამატებით კითხვებს ბადებს.

„ჩვენ ვაანალიზებთ შემოწირულობებიდან მიღებულ ინფორმაციას. ჩვენი აზრით, დეკლარირებული შემოსავალი, რომელიც ამ პირებს აქვთ დაფიქსირებუოლი, არის მცირე მოცულობის და ამიტომ გვაინტერესებს დამატებითი ინფორმაცია, ხელფასის გარდა რა შემოსავალი აქვს ამ პირს“, - აღნიშნა აზნაურაშვილმა.

იმედის ქრონიკის ინფორმაციით, პირველი გამოკითხვა 11 საათზე იყო ჩანიშნული, თუმცა „ევროპული საქართველოს“ შემომწირველი რიგი მიზეზის გამო ვერ გამოცხადდა უწყებაში.

გუშინ აუდიტის სამსახურში „ევროპული საქართველოს“ პოლიტსაბჭოს წევრი მარიამ რამინაშვილი გამოჰკითხეს. სულ 14 პირია დაბარებული.

ანა მებურიშვილი