პოლიტიკა

დღეს არ არსებობს მექანიზმები, რომ მედიაზე რაიმე ზეწოლა მოხდეს - კახა ბექაური

საქართველოს კომუნიკაციების ეროვნული კომისიის თავმჯდომარის, კახა ბექაურის განცხადებით, არ არსებობს მექანიზმები მედიაზე ზეწოლის განსახორციელებლად.

„დღეს არ არსებობს მექანიზმები, რომ მედიაზე რაიმე ზეწოლა მოხდეს. მედიის პლურალიზმი სწორედ იმაშია, რომ ყველანაირმა ტელევიზიამ, პოლიტიკური ინტერესების გამტარებელია ის თუ არა, აწარმოოს საკუთარი პოლიტიკა. დღეს შემიძლია ვთქვა, რომ მედიაზე არანაირი ზეწოლა არ ხდება“, - თქვა ბექაურმა.

მისი თქმით, მედიასთან დაკავშირებული კანონმდებლობა ლიბერალურია.

„2012 წლიდან მოყოლებული შეიცვალა კანონმდებლობა და საერთოდ, დერეგულირებული გახდა ლიცენზიების აღება. 12 წლის განმავლობაში ლიცენზიის აღება შეუძლებელი იყო, მხოლოდ სამი ტელეკომპანია ფლობდა ეროვნული, ღია, საერთო მაუწყებლის ლიცენზიას. დღეს მათი რიცხვი არის 21-მდე გაზრდილი. რაც შეეხება მაუწყებელთა რაოდენობას, არის 98. კანონმდებლობით შესაძლებელია ნებისმიერმა ფიზიკურმა თუ იურიდიულმა პირმა ათ დღეში მიიღოს ავტორიზაცია და გახსნას ტელევიზია“, - აღნიშნა ბექაურმა.