სამართალი

დეპუტატ გივი თარგამაძის მანქანის აფეთქების შედეგად, რამოდენიმე ადამიანი დაშავდა

კოლმეურნეობის მოედანზე, ნაციონალური მოძრაობის წევრის გივი თარგამაძის მანქანა აფეთქდა. შემთხვევის შედეგად ხუთი ადამიანი დაშავდა, მათ შორის, უმეტესობა გამვლელია. არსებული ინფორმაციით, ერთ-ერთი დაშავებულის მდგომარეობა მძიმეა.

თავად გივი თარგამაძე, რომელიც შემთხვევის დროს მანქანაში იმყოფებოდა, მძიმედ არ დაშავებულა. მოგვიანებით, მან ჟურნალისტებთან გააკეთა კომენტარი/ მისი ვარაუდით, ავტომობილში ასეფეთქებელი მოწყობილობა იყო დამონტაჟებული.

,,როგორც ყოველთვის ხდება, ჩამოვედით ოფისიდან, ჩავჯექით მანქანაში, ჩემი მძღოლი მართავს საჭეს, წამოვედით ჩვეული მარშუტით, უნდა აგვეხვია რუსთაველზე, ამოვუხვიეთ კოლმეურნეობის მოედანზე და ამ დროს მოხდა ეს ამბავი. თავიდან ვერ მივხვდი რა ხდებოდა, უფრო მქონდა შეგრძნება, რომ წინიდან გვესროლეს რაღაც, მაგრამ როდესაც გადმოვედით და ცოტა გონს მოვედით, ვნახეთ, რომ მანქანას მთელი უკანა მხარე მოგლეჯილი აქვს პრაქტიკულად. ამიტომ ვარ დარწმუნებული, რომ უკან იყო

დამონტაჟებული ასაფეთქებელი და უკან მოგვყვებოდა როგორც ჩანს მანქანა, რომელმაც გადაწვიტა, რომ ამ ადგილას უნდოდა ამის განხორციელება ძალიან ნაძირლურად. ყველაზე მეტად რაზეც ვწუხვარ, ჩვეულებრივი მოქალაქეები არიან დაზარალებულები და როგოც ჩანს, არც თუ ისე მსუბუქად“, - განაცხადა გივი თარგამაძემ და კითხვაზე, მომხდარს ხომ არ უძღოდა მუქარა, აღნიშნა - ,,ეს არ იყო მუქარა, ეს კიდევ უფრო ბინძური რაღაცეები იყო. შემდგომში მოგახსენებთ დალაგებულად. ეს გრძელდება დიდი ხანია. მთელი ამ ბრძოლის მანძილზე“, - აღნიშნა გივი თარგამაძემ.

შემთხვევის ადგილას, 15 ავტომობილია დაზიანებული, ჩაიმსხვრა მიმდებარე ტერიტორიაზე არსებული სუპერმატკეტის შუშები, უშუალოდ მანქანა კი, რომელშიც აფეთქება მოხდა, სერიოზულადაა დაზიანებული.

ადგილზე სამართალდამცველები მუშაობენ.