პოლიტიკა

,,დემოკრატიული მოძრაობა’’ საკუთარ მხარდამჭერებს მოუწოდებს, არ წავიდნენ არჩევნებზე

,,ნინო ბურჯანაძე - დემოკრატიული მოძრაობა’’ საკუთარ მხარდამჭერებს მიმართავს და მოუწოდებს, მეორე ტურში ხმა არ მისცეს არც ,,ქართული ოცნების’’ და არც ნაციონალური მოძრაობის კანდიდატებს.

შესაბამისი მოწოდება პარტიის წევრმა, გიორგი ახვლედიანმა დღევანდელ ბრიფინგზე გააკეთა.

,,დემოკრატიული მოძრაობა’’ მოუწოდებს ყველა თავის მხარდამჭერს, არ მიიღოს მონაწილეობა ამ ფალსიფიცირებაში, ამ ბლეფში, რასაც მეორე ტური ჰქვია. არ დაუჭიროს მხარი, არც გამყალბებელ ,,ქართულ ოცნებას’’ და არ დაუჭიროს მხარი არც დანაშაულებრივ ნაციონალურ მოძრაობას.
ამ ორი კოჰაბიტირებული პარტიის მიერ არჩევნები ტოტალურად გაყალბდა. ამაზე მეტყველებს ის ასობით გაყალბებული ოქმი, რომელიც არაერთხელ ვაჩვენეთ საზოგადოებას, სასამართლოს’’, - განაცხადა გიორგი ახვლედიანმა.

ნინო ექვთიმიშვილი