სამართალი

დეკანოზმა გიორგი მამალაძემ შიმშილობა შეწყვიტა

ე.წ. ციანიდის საქმეზე ბრალდებულმა, დეკანოზმა გიორგი მამალაძემ ჯანმრთელობის მდგომარეობის გაუარესების გამო შიმშილობა შეწყვიტა.

ინფორმაცია ამის შესახებ ჟურნალისტებს ე.წ. მატროსოვის ციხეში ბრალდებულის მონახულების შემდეგ მისი ინტერესების დამცველმა, მიხეილ რამიშვილმა მიაწოდა.

მისივე ითქმით, მამა კახაბერი ეწვევა საპატიმროში დეკანოზს და აზიარებს მას.

,,გუშინ და გუშინწინ მისი ჯანმრთელობის მდგომარეობა ექიმებთან გასაუბრების შემდეგ, არასახარბიელო იყო. მოგეხსენებათ, მას გული ნაოპერაციები აქვს და ხერხემალზეც გარკვეული პრობლემები აქვს. ამის გათვალისწინებით, ასევე, ექიმების და ციხის ადმინისტრაციის ძალიან დიდი მონდომებით და იმ ინფორმაციით, რომ საპატრიარქო მზად არის და მამა გიორგის ინახულებს მამა კახაბერი, გადაწყვეტილება იქნა მიღებული. გადასხმების და მთელი რიგი სამედიცინო პროცედურების შემდეგ მამა გიორგიმ შიმშილობა შეწყვიტა’’, - განაცხადა მიხეილ რამიშვილმა.

ნინო ექვთიმიშვილი