სამართალი

დეკანოზის საქმეში ინტიმური ვიდეომასალა არ არსებობს- ჯარჯი წიკლაური

ე.წ ციანიდის საქმის პროკურორის ჯარჯი წიკლაურის განცხადებით, მამა გიორგის ადვოკატები ბრალდების მხარის შაუმდლგომლობის დამახინჯებას ცდილობენ.

„უკვე მერამდენედ, ადვოკატების მხრიდან ჩვენი შუამდგომლობების დამახინჯება ხდება და ისინი სიცრუეს ტირაჟირებენ. ეს არის ახალმოგონილი სიცრუე და ინტიმური ვიდეომასალა არ არსებობს. ეს ადვოკატმა ხელოვნურად დაამახინჯა“, - განაცხადა პროკურორმა ადვოკატ გიორგი ფანცულაიას გამოსვლის პასუხად, რომელმაც ბრალდების მხარე პირადი ცხოვრების ამსახველი ვიდეომასალით დაშანტაჟებაში დაადანაშაულა.
პროკურორმა ასევე უპასუხა კითხვას დეკანოზის დაკავებასთან დაკავშირებითაც.

„მისი დაკავება და პირადი ჩხრეკა მოხდა კანონიერად და შენიშვნა მას არ ჰქონდა. ეს ნახა მოსამართლემაც. ბრალდებული ყოველ სხდომაზე ახალ ინფორმაციას იგონებს და ეს მისი სტრატეგიაა, რომ ეჭვქვეშ დააყენოს ჩვენი მტკიცებულებები“, -განაცხადა ჯარჯი წიკლაურმა.

მონიკა დავლიანიძე