სამართალი

დეკანოზ გიორგი მამალაძის ადვოკატები, დღეს მოსამართლის გადაწყვეტილებას გაასაჩივრებენ

მამა გიორგის მამალაძის ადვოკატები, დღეს, საქალაქო სასამართლოს მოსამართლის მიერ მიღებულ გადაწყვეტილებას გაასაჩივრებენ.

19 მაისს, ე.წ ციანიდის საქმეზე გამართულ სასამართლო პროცესზე, ბრალდებულმა პროტესტის ნიშნად, სასამართლო დარბაზი დატოვა და იგივე ქმედებისკენ ადვოკატებსაც მოუწოდა.

მამა გიორგი მამალაძის უკმაყოფილება მოსამართლის გადაწყვეტილება გამოიწვია, რომლის მიხედვით, საქმეზე ყველა პროცესი, დახურულ რეჟიმში წარიმართება. ადვოკატების მიერ სხდომათა დარბაზის დატოვების შემდეგ, მოსამართლემ დეკანოზის უფლებების დამცველები გააძევა, და მამა გიორგის მომდევნო პროცესზე სახაზინო ადვოკატი დაუნიშნა.

„მოსამართლემ განკარგულება მიიღო ჩვენი გამოძევების თაობაზე. ჩვენ მოსამართლის ამ განკარგულებას ვავასაჩივრებთ“,-აღნიშნა ადვოკატმა მიხეილ რამიშვილმა.

გარდა ამისა, დეკანოზის უფლებების დამცველები, საპატრიარქოს იურისტის ედიშერ ქარჩავას მიერ გაკეთებულ განცხადებასაც გამოეხმაურნენ, რომლის მიხედვით, დეკანოზ მამალაძითვის 50 მილიონი ევრო უნდა გადმოერიცხათ.

„საპატრიარქოს ადვოკატმა, ბატონმა ედიშერ ქარჩავამ, გააღღერა 50 მილიონიან ფულის გათეთრებასთან დაკავშირებით ინფორმაცია, რომელიც სამწუხაროდ, როგორც ჩანს, მხოლოდ საპატრიარქოშია და ვისთან არის არ ვიცი. მაინტერესებს, უბრალოდ რა თემაზეა, და რა შეიძლება ამის უკან იმალებოდეს“,-აღნიშნა ადვოკატმა.

მონიკა დავლიანიძე