სამართალი
დეკანოზ გიორგი მამალაძეს ბრალი ედებოდა შორენა თეთრუაშვილის მკვლელობაში - მამუკა ნოზაძე
მაღალი იერარქიის სასულიერო პირის მკვლელობის დაგეგმვაში ბრალდებულ დეკანოზ გიორგი მამალაძის დაკავებასა და მის მიმართ წაყენებულ ბრალს ეხმაურება ადვოკატი, მამუკა ნოზაძე.
უფლებადამცველი ამბობს, რომ თბილისის საქალაქო სასამართლოს სისხლის საქმეთა კოლეგიამ გამოიტანა განჩინება, სადაც პირდაპირ არის დაფიქსირებული შორენა თეთრუაშვილის გვარი.
როგორც ნოზაძემ ჟურნალისტებს განუცხადა, დეკანოზ გიორგი მამალაძეს ბრალი ედება არა მაღალი იერარქიის სასულიერო პირის მკვლელობის დაგეგმვაში, არამედ, შორენა თეთრუაშვილის მკვლელობის დაგეგმვაში.
ადვოკატის თქმით, ეს არის ოფიციალური ვერსია, რომელიც მას სანდო წყაროდან აქვს.
“საქალაქო სასამართლოს მიერ გამოტანილ იქნა განჩინება, რომლის თანახმადაც, მითითებულია რომ გიორგი მამალაძეს აღკვეთის ღონისძიების სახით პატიმრობა შეეფარდა იმის გამო, რომ ბრალი ედებოდა მას შორენა თეთრუაშვილის მკვლელობაში.
ჩნდება ბუნებრივია ეჭვი, რომ პროკურატურა სიმართლეს არ ლაპარაკობს, რომ ხდება ფალსიფიცირება კონკრეტული სისხლის სამართლის საქმისა. როდესაც მნიშვნელოვან საქმეს შეეხება საკითხი, არ შეიძლება დაუმალო საზოგადოებას ბრალის ფორმულირება,“- განაცხადა ადვოკატმა მამუკა ნოზაძემ.
ნინო ექვთიმიშვილი
საკვანძო სიტყვები:
მიგრაციის დეპარტამენტის თანამშრომლებმა საქართველოდან უცხო ქვეყნის 105 მოქალაქე გააძევეს
24 მარტი, 2026 , 13:07
თბილისის საქალაქო სასამართლომ ელენე ხოშტარიას ერთი წლითა და ექვსი თვით თავისუფლების აღკვეთა შეუფარდა
24 მარტი, 2026 , 12:55
ნიკა მელიას საქმე არსებითად განსახილველად სასამართლოს გადაეცა - გადაწყვეტილება მოსამართლე ვალერიან ბუგიანიშვილმა მიიღო
23 მარტი, 2026 , 13:58
სახალხო დამცველმა თბილისის საქალაქო სასამართლოში ბრალდებულ პაატა მანჯგალაძის საქმეზე სასამართლოს მეგობრის მოსაზრება წარადგინა
23 მარტი, 2026 , 12:27
შსს-მ აჭარაში სპეცოპერაციის შედეგად „ქურდულ სამყაროსთან“ კავშირში მყოფი 72 პირი დააკავა, კიდევ ხუთ პირს ბრალი წარედგინა, მათ შორის ე.წ. კანონიერ ქურდს
17 მარტი, 2026 , 15:08
დაცვის პოლიციის დეპარტამენტისა და საპატრულო პოლიციის დეპარტამენტის ორი თანამშრომელი დააკავეს
17 მარტი, 2026 , 13:02
