პოლიტიკა

დავიცავთ როგორც მის ჯანმრთელობას, ასევე უსაფრთხოებას - ნათია მეზვრიშვილი

შს მინისტრის მოადგილის, ნათია მეზვრიშვილის განცხადებით, უწყების ეზოში მყოფი ზაზა სარალიძის ჯანმრთელობა და უსაფრთხოება დაცული იქნება.

მისივე ინფორმაციით, შსს-ის წარმომადგენლებს მუდმივი კონტაქტი აქვთ სარალიძესთან.

„ზაზა სარალიძე შინაგან საქმეთა სამინისტროს ეზოში გამოხატავს პროტესტს მშვიდობიანი ფორმით, ეს არის მისი გადაწყვეტილება. ის შსს-ის ეზოში საკუთარი ინიციატივით იმყოფება, მას შემდეგ, რაც მისივე სურვილით შეხვედრა მოხდა ცენტრალური კრიმინალური პოლიციის დეპარტამენტის წარმომადგენელთან და მან შენობა აღარ დატოვა.

ჩვენი მხრიდან შექმნილია ყველა პირობა იმისთვის, რომ ზაზა სარალიძემ პროტესტი გამოხატოს მშვიდობიანი ფორმებით სამინისტროს ეზოში. დავიცავთ როგორც მის ჯანმრთელობას, ასევე უსაფრთხოებას. ზაზა სარალიძესთან მუდმივი კონტაქტი გვაქვს, მაგრამ სამწუხაროდ, მან უფრო დეტალებზე საუბარი არ ისურვა. მას პერიოდულად ინფორმაციას ვაწვდით მიმდინარე გამოძიების თაობაზე“, -თქვა მეზვრიშვილმა.

ცნობისთვის, ზაზა სარალიძემ ღამე შსს-ის ეზოში გაათენა. მან განაცხადა, რომ არ დატოვებს შსს-ს იქამდე, სანამ მისი შვილის მკვლელებს, „მათ შორის მიხეილ კალანდიას“, არ დააკავებენ.