კომენტარი

დავით თევზაძე- ლევან იზორიაზე: როცა მინისტრი ხარ, ნაკლები უნდა ილაპარაკო

თავდაცვის ყოფილი მინისტრის დავით თევზაძის განცხადებით, მას თავდაცვის სამინისტროს მინისტრის, ლევან იზორიას, გუშინდელი განცხადება არ მოეწონა.

ამის შესახებ თევზაძემ პრესკონფერენციაზე განაცხადა.

„მე ვფიქრობ, რომ ეს ოფიცრები არ იყვნენ ისეთი კვალიფიციურები, რომ დამოუკიდებლად რაიმეს გადაწყვეტა შეძლებოდათ.თავდაცვის მინისტრის გუშინდელი კატეგორიული განცხადება მე არ მომეწონა. როცა მინისტრი ხარ, ნაკლები უნდა ილაპარაკო. არსებობს კადრების განყოფილება, რომელიც სამხედროების კვალიფიკაციას აკვირდება. დანიშვნა უნდა ხდებოდეს კვალიფაკაციის შესაბამისად. ასეთი წერილი რომ მოეწერა ვინმეს ჩემთვის, „მართალია არ ვარგა, მაგრამ შენ გადაწყვიტე დანიშნავ თუ არა“,- ეს არის მინიმუმ უპასუხისმგებლობას. შემდეგი წერილი უარესი შეუვა მას და პრაქტიკულად მართვის გაშვება ხელიდან სხვას არაფერს ნიშნავს“,-განაცხადა დავით თევზაძემ.

მისი განმარტებით ჯარში პოლიტიკური სიმპატიები არ უნდა არსებობდეს.

„ფიცი ჯარისკაცს ვინმე ბელადის ერთგულებისთვის კი არ აქვს დადებული, არამედ სახელმწიფოს ერთგულებისთვის. მეფე რომ იყოს აქ ვინმე, ეს სხვა საკითხია, მაგრამ ამ შემთხვევაში ჯარისკაცი ფიცს აძლევს“,- აღნიშნა თევზაძემ.

მონიკა დავლიანიძე