პოლიტიკა

დავით სერგეენკომ ღვიძლის საერთაშორისო კონგრესზე C ჰეპატიტის პროგრამის მიღწევებსა და გამოწვევებზე ისაუბრა

საქართველოს ჯანდაცვის, შრომისა და სოციალური დაცვის მინისტრი დავით სერგეენკო ამსტერდამში გამართულ ღვიძლის საერთაშორისო კონგრესზე სიტყვით გამოვიდა. მან ისაუბრა საქართველოში მოქმედ С ჰეპატიტის პროგრამასა და მის გამოწვევებზე.

კონგრესზე საქართველოსადმი მიძღვნილი სესიაც გაიმართა. განიხილეს საქართველოს პროგრესი C ჰეპატიტთან ბრძოლის კუთხით, კერძოდ, როგორც ქვეყნის, რომელიც რამდენიმე წელში C ჰეპატიტის სრულ ელიმინაციას მოახდენს; ისაუბრეს პროგრამის მნიშვნელობასა და გამოჯანმრთელების მაჩვენებლზე.

მომხსენებლთა შორის იყვნენ ასევე დაავადებათა კონტროლისა და პრევენციის ეროვნული ცენტრის გენერალური დირექტორი ამირან გამყრელიძე, ინფექციური პათოლოგიის შიდსისა და კლინიკური იმუნოლოგიის ცენტრის გენერალური დირექტორი თენგიზ ცერცვაძე და კლინიკა ნეოლაბის ექიმი-ინფექციონისტი მაია ბუწაშვილი, რომელებმაც პროგრამის მნიშვნელობაზე, გამოჯანრთელების მაჩვენებელსა (რომლებიც ჰარვონით ნამკურნალებ პაციენტებში საშუალოდ 98% ზე მეტია) და ნარკოტიკული საშუალებების ინექციური გზით მომხმარებლებში HCV პრევენციაზე ზრუნვისა და მკურნალობის მნიშვნელობაზე ისაუბრეს,

პროგრამის შედეგები და მიღწევები დადებითად შეაფასეს უცხოელმა ექსპერტებმაც. აშშ-ს დავაადებათა კონტროლის ცენტრის ექსპერტმა იან დრობენიუკმა ლაბორატორიული დიაგნოსტიკის სერვისების ხარისხისა და მნიშვნელობაზე გაამახვილა ყურადღება.

ღვიძლის საერთაშორისო კონგრესი (19-23 აპრილი) ქალაქ ამსტერდამში იმართება და ღვიძლის შემსწავლელი ევროპული ასოციაციის (EASL) მიერ არის ორგანიზებული.

ვიზიტის ფარგლებში, ასევე, შეხვედრა გაიმართა ფარმაცევტული კომპანია „გილეადისა“ და აშშ-ს დაავადებათა კონტროლის ცენტრის (CDC) წარმომადგენლებთან. განიხილავდნენ სამომავლო გეგმებსა და თანამშრომლობის პერსპექტივებს.

ანა მებურიშვილი