პოლიტიკა

დავით ჭიჭინაძის შეფასებით, მამუკა ბახტაძემ დეპუტატებს მემარცხენე-ცენტრისტული ორიენტაციის სამთავრობო პროგრამა წარუდგინა, რაც ქვეყანას სჭირდება

საპარლამენტო უმრავლესობის წევრის, დავით ჭიჭინაძის შეფასებით, პრემიერ-მინისტრობის კანდიდატმა მამუკა ბახტაძემ დეპუტატებს მემარცხენე-ცენტრისტული ორიენტაციის სამთავრობო პროგრამა წარუდგინა, რაც „ქვეყანას სჭირდება“.

როგორც ჭიჭინაძემ ჟურნალისტებს უთხრა, მცირე მთავრობის რეფორა იმაზე მორგებული, რომ დაზოგილი თანხები წავიდეს სოციალურ მიმართულებებზე.

„ბახტაძის პროგრამაში ქვეყანაში არსებული პრობლემების მოგვარების ხედვა დევს, რაც პირველი ეტაპია და ეს გაგრძელდება. მთავარია, პროცესი დაიწყო და ის კანონები მიღებული იქნება, რომელიც იმ განუკითხაობას შეზღუდავს, რაც სახელმწიფოში არსებობს. უპროგრამო პრემიერ-მინისტრი არ გამიგია, მაგრამ ამას შემდეგ როგორ და რანაირად აღასრულებს, ეს გამოჩნდება. ვფიქრობ, რომ მამუკა ბახტაძე ძალისხმევას მაქსიმალურად არ დაიშურებს, რომ ეს პროგრამა შეასრულოს”, – აღნიშნა დეპუტატმა.

რაც შეეხება სამთავრობო ცვლილებებს, ჭიჭინაძემ თქვა, რომ პრემიერ-მინისტრობის კანდიდატი საკუთარ არჩევანში ძალიან შეზღუდული არ უნდა იყოს.