პოლიტიკა

დავით ჭიჭინაძე განმარტავს, თუ რატომ შეუერთდა ,,პატრიოტთა ალიანსს“

პარლამენტის წევრი, დავით ჭიჭინაძე, რომელმაც უმრავლესობა უკვე დატოვა, განმარტებას აკეთებს იმასთან დაკავშირებით, თუ რატომ შეუერთდა ფრაქცია „პატრიოტთა ალიანსს“.

მისი თქმით, იგი ფრაქციას დროებით უერთდება და როცა ისინი მუდმივ წევრს იპოვნიან, ჭიჭინაძე ფრაქციას დატოვებს.

როგორც ის განმარტავს, ეს მან იმიტომ გააკეთა, რომ „პატრიოტთა ალიანსის“ ფრაქცია არ დაშლილიყო.

ჭიჭინაძის თქმით, ირმა ინაშვილმა მას თხოვა ამის გაკეთება, იმიტომ, რომ არ დაეკარგათ ოპოზიციური ტრიბუნა.

დეპუტატის განცხადებით, იგი მხარს უჭერს გიგა ბოკერიას ე.წ. რეჟიმის შეფასებასთან დაკავშირებულ ინიციატივას და რომ არ დაკარგულიყო იდეა, “პატრიოტთა ალიანსის” ფრაქციაში ახალ წლამდე დარჩება.

შეგახსენებთ, რომ ფრაქცია „პატრიოტთა ალიანსის“ დაშლის საფრთხე მას შემდეგ წარმოიშვა, რაც ის ნატო ჩხეიძემ დატოვა.