პოლიტიკა

დავით ბაქრაძე ირაკლი კობახიძეს შეხვდა

საპარლამენტო ფრაქცია „ევროპული საქართველოს“ ლიდერი დავით ბაქრაძე პარლამენტის თავმჯდომარეს ირაკლი კობახიძეს შეხვდა.

როგორც დავით ბაქრაძემ შეხვედრის დასრულების შემდეგ მედიას განუცხადა, იყო სამუშაო შეხვედრა და პარლამენტის თავმჯდომარესთან გარკვეულ საკანონმდებლო ინიციატივებზე ისაუბრა.

„იწყება საგაზაფხულო სესია. ჩვენ რამდენიმე ინიციატივა გვაქვს შეტანილი და მაინტერესებდა, როდის მოხდებოდა ამ ინიციატივების განხილვა და მზად არის თუ არა უმრავლესობა იმისთვის, რომ ამ ინიციატივებზე იმსჯელოს. გარდა ამისა, იყო ჩვეულებრივი სამუშაო თემები. როდესაც იწყება სესია, ბუნებრივად ხდება სესიის სამუშაო პერიოდის დაგეგმვა“,-აღნიშნა დავით ბაქრაძემ.

მონიკა დავლიანიძე