პოლიტიკა

დათო ოქიტაშვილი გაერთიანებული პროფკავშირების თავმჯდომარეობისთვის იბრძოლებს

დათო ოქიტაშვილი საქართველოს გაერთიანებული პროფკავშირების თავმჯდომარეობის არჩევნებში მიიღებს მონაწილეობას.

ოქიტაშვილის ინფორმაციით, ყრილობა 15-16 სექტემბერს არის დაგეგმილი.

მისი თქმით, კიდევ რამდენიმე ადამიანი წარადგენს თავის კანდიდატურას, მათ შორის გაერთიანებული პროფკავშირების ამჟამინდელი თავმჯდომარე ირაკლი პეტრიაშვილი.

„ჩემთვის ამ შემოთავაზებაზე გადაწყვეტილების მიღება იყო ძალიან რთული, მაგრამ შევდივარ ამ ბრძოლაში და გარწმუნებთ, რომ პეტრიაშვილს დავამარცხებ არჩევნების გზით და არა იმ მეთოდით, როგორც თავად მოვიდა თავმჯდომარედ. ახლა რომ გამოდის და რაღაც განცხადებებს აკეთებს, იმის მართული, ამის მართული, სირცხვილია, გაიხსენოს თავისი წარსული. ჩვენ არ ვაპირებთ იმ მეთოდებით ბრძოლას, რა მეთოდითაც ის გახდა პროფკავშირების თავმჯდომარე 12 წლის წინ. ვიცი, რომ კიდევ არიან მსურველები და ყველა კანდიდატს და პეტრიაშვილსაც თანასწორ ბრძოლაში გამარჯვებას ვუსურვებ“, - თქვა ოქიტაშვილმა.

ანა მებურიშვილი