სამართალი

დასტურდება, რომ საქმე გვაქვს კერძო სამართლებრივ დავასთან და არა სისხლის სამართლის დანაშაულთან - მაია რჩეულშვილის ადვოკატი

თბილისის საქალაქო სასამართლოში სამშენებლო კომპანია ცენტრ პოინტის საქმის „ბათუმის მაგნოლიის“ ეპიზოდის განხილვა გრძელდება.

დღევანდელ პროცესზე ჩვენება კერძო და სისხლის სამართლის სპეციალისტებმა მისცეს.

დაცვის მხარის მოწმეებმა ბრალდებულად ცნობის შესახებ დადგენილების სამართლებრივ შეფასებაზე ისაუბრეს.

როგორც ბრალდებულების ადვოკატმა მარიამ ცუცქირიძემ პროცესის დასრულების შემდეგ მედიას განუცხადა, ჩვენებებით დასტურდება, რომ „საქმე გვაქვს კერძო სამართლებრივ დავასთან და არა სისხლის სამართლის დანაშაულთან“.

„სპეციალისტების მიერ მიცემულ ახსნა-განმარტებაში აშკარად ჩანს, რომ ის მუხლი რაც წარუდგინა ბრალდების მხარემ მაია რჩეულშვილს და სხვა ბრალდებულებს, ის არ ამართლებს და ნამდვილად არ გვაქვს საქმე მითვისება და გაფლანგვასთან, რომ ეს სამართლებრივი ურთირთობა არ შეიძლება მოწესრიგდეს ამ მუხლით, რომ ეს არის სუფთა სამოქალაქო სამართლებრივი დავის საგანი“,-აღნიშნა ადვოკატმა.

საქმის პროკურორის დავით გუმბერიძის თქმით, კი, მოწმეთა ჩვენებებით ვერანაირად ვერ დგინდება ბრალდებულების უდანაშაულობის ფაქტი, ანუ რომ მათ მიერ ჩადენილი დანაშაული მითვისება-გაფლანგვას არ გულისხმობს.

„პროცესზე გამოვიდა დაცვის მხარე მტკიცებულებებით, წერილობით მტკიცებულებებით. ჩვენებებით ვერანაირად ვერ დგინდება ბრალდებულების გურამ რჩეულიშვილის და მაია რჩეულიშვილის უდანაშაულობის ფაქტი, შესაბამისად ჩვენ მიგვაჩნია, რომ ჩვენს მიერ წარდგენილი მტკიცებულებებით უტყუარად დასტურდება ბრალდებულთა მიერ ჩადენილი დანაშაულებები, ვგულისხმობთ, მითვისება-გაფლანგვას“,-აღნიშნა პროკურორმა.

მონიკა დავლიანიძე