სამართალი

დაკავებული დეკანოზის ოჯახს სავარაუდოდ, სახელმწიფო დაცვა დაენიშნა

დაკავებული დეკანოზის, გიორგი მამალაძის ოჯახს, სავარაუდოდ, სახელმწიფო დაცვა დაენიშნა.

გავრცელებული ცნობით, ქობულეთში, სასულიერო პირის საცხოვრებელ სახლთან, „ტოიოტას“, „შკოდას“ და „ფორდის“ მარკის ავტომობილების გადაადგილება შეინიშნება.

დაენიშნა თუ არა დაკავებული დეკანოზის ოჯახს სახელმწიფო დაცვა, ამ საკითხზე მამა გიორგი მამალაძის ადვოკატი არ საუბრობს.

ამასთან, დეკანოზი გიორგი მამალაძე პროკურატურას ჩვენებას, სავარაუდოდ, ხვალ მისცემს.

რაც შეეხება გაუთქმელობის პრინციპის გაუქმების მოთხოვნაზე პროკურატურის უარს, ბრალდებულის ადვოკატი, გიორგი ფანცულაია აცხადებს, რომ მხარე შედეგის მისაღებად ალტერნატიულ მექანიზმებზე დაიწყებს მსჯელობას.

,,გვაქვს ჩვენი არგუმენტები, თუ რა ახალი გარემოებები არსებობს და იმ ახალ გარემოებებთან დაკავშირებით ჩვენ ვფიქრობთ, რომ არის ალბათობა, წინასასამართლო სხდომამდეც, მოიხსნას’’, - აცხადებს ფანცულაია.

ნინო ექვთიმიშვილი