პოლიტიკა

ჩვენს ქვეყანას მართავს „ქურდული ოცნება“ - გრიგოლ ვაშაძე „ომეგა ჯგუფის“ საქმეზე

„ხელისუფლება ქვეყანას 90-იანი წლების მეთოდებით მართავს“, - ასე შეაფასა მოძრაობა „ძალა ერთობაშია“-ს საპრეზიდენტო კანდიდატმა გრიგოლ ვაშაძემ „ომეგა ჯგუფის“ საქმეზე გავრცელებული ვიდეო ჩანაწერი.

გრიგოლ ვაშაძის განცხადებით, ქვეყანას მართავს შეიარაღებული ბანდფორმირება, რომელიც არჩევნების გზით უნდა შეიცვალოს.

„აღშფოთებული არის ხალხი იმ ფირების ყურებით, რაც "რუსთავი 2"- სა და სხვა ტელეარხებზე გადის. ეს არის აღმაშფოთებელი, ამაზრზენი და გულის ამრევი. ჩვენს ქვეყანას მართავს „ქურდული ოცნება“. კანონიერ ქურდებსაც რაღაც წესები აქვთ და ამათ წესებიც აღარ აქვთ არანაირი. ეს არც მაფია არ არის, ეს არის რაღაცა უკანონო შეიარაღებული ბანდფორმირება, რომელიც მორალის, კონსტიტუციის, კანონისა და ჩვენი პოლიტიკური სისტემის იქით არის გასული ისე, რომ მათი მობრუნება შეუძლებელია“,-განაცხადა გრიგოლ ვაშაძემ.