პოლიტიკა

ჩვენი მთავრობისთვის ინკლუზიური მმართველობა არის ერთ-ერთი მთავარი პრიორიტეტი - დავით ბაქრაძე

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის მოვალეობის შემსრულებლის, დავით ბაქრაძის განცხადებით,სამოქალაქო საზოგადოების ჩართულობა არის განმსაზღვრელი იმისა, რომ საქართველო ევროპულ სარბიელზე წარმატებული იყოს.

ამის შესახებ ბაქრაძემ ჟურნალისტებს კონფერენციის „საქართველო-ევროკავშირის ასოცირების ამოცანები“ ფარგლებში განუცხადა.

„ჩვენი მთავრობისთვის , მისი ოთხპუნქტიანი გეგმიდან გამომდინარე, ინკლუზიური მმართველობა არის ერთ-ერთი მთავარი პრიორიტეტი. აქედან გამომდინარე, სამოქალაქო საზოგადოების ჩართულობა არის ძალიან მნიშვნელოვანი და განმსაზღვრელი, რომ საქართველო იყოს წარმატებული ევროპულ სარბიელზე. იყოს წარმატებული მისი ევროპული განვითარების და ასოცირების გზა“,-აღნიშნა ბაქრაძემ.

თბილისში, კონფერენცია „საქართველო-ევროკავშირის ასოცირების ამოცანები“ ჩატარდა.

ღონისძიების მიზანია საქართველოს ევროკავშირთან ასოცირების შესახებ შეთანხმების განხორციელების პროცესში სამოქალაქო საზოგადოების მაღალი ჩართულობის ხელშეწყობა.

კონფერენციაზე განსაკუთრებული ყურადღება დაეთმო ევროკავშირის აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის მიერ მომზადებული სექტორული თანამშრომლობის პოლიტიკის დოკუმენტების განხილვას.

მონიკა დავლიანიძე