პოლიტიკა

ჩვენ სერიოზულად ვაპირებთ საპარლამენტო კონტროლის გაზრდას მთავრობაზე - თამარ ჩუგოშვილი

პარლამენტის თავმჯდომარის პირველი მოადგილის, თამარ ჩუგოშვილის ინფორმაციით, სამთავრობო ცვლილებებზე კონსულტაციები კვლავ მიმდინარეობს, თუმცა მან კონკრეტული გვარებისა და უწყენების დასახელებისგან თავი შეიკავა.

მან თქვა, რომ საგარეო საქმეთა მინისტრის მოვალეობის შემსრულებელს მიხეილ ჯანელიძეს თავად სურს, თანამდებობა დატოვოს.

„თავად აქვს სურვილი, რომ დატოვოს თანამდებობა. ეს არ ყოფილა გუნდის პოზიცია. აღნიშნული გადაწყვეტილება თავად აქვს მიღებული. ალბათ თავად ისაუბრებს ამაზე“, – განაცხადა ჩუგოშვილმა.

პირველი ვიცე-სპიკერის თქმით, იგეგმება საპარლამენტო კონტროლის გაზრდა მთავრობაზე.

„ჩვენ სერიოზულად ვაპირებთ საპარლამენტო კონტროლის გაზრდას მთავრობაზე. ასე რომ, ახალ პრემიერ-მინისტრს ველოდებით ბევრად უფრო ხშირად და აქტიურად. ბევრი გამოწვევა და პრობლემა ხვდება ახალ გუნდს და იმედია, ერთად გავართმევთ თავს“, – განაცხადა ჩუგოშვილმა.

გუშინ მმართველმა გუნდმა პრემიერ-მინისტრობის კანდიდატად მამუკა ბახტაძე წარადგინა.

13 ივნისს გიორგი კვიირკაშვილმა პრემიერ-მისნიტრის პოსტი დატოვა, რაც ავტომატურად ნიშნავს მთავრობის გადადგომასაც.