პოლიტიკა

ჩვენ, სამწუხაროდ, მივეჩვიეთ, რომ დედამიწაზე ყველაფერი ბრალდება პრეზიდენტს - ანა დოლიძე

პრეზიდენტის საპარლამენტო მდივნის, ანა დოლიძის განცხადებით, პრეზიდენტის ადმინისტრაციას აქვს კომუნიკაცია საკონსტიტუციო კომისიასთან, ხოლო დროის განმავლობაში გამოიჩნდება, რა ფორმას მიიღებს თანამშრომლობა.

გავრცელებულ ვარაუდზე, რომ ვენეციის კომისიის წინასწარი დასკვნა პრეზიდენტის ადმინისტრაციამ გაავრცელა, დოლიძემ ჟურნალისტებს უპასუხა, რომ ჩამოყალიბებული პრაქტიკით, ყველაფერი პრეზიდენტს ბრალდება.

„საქმე ისაა, რომ ქვეყანას აქვს ძალიან ბევრი საჭირბოროტო საკითხი, რომელსაც სჭირდება გადაწყვეტა და ამ პირობებში, ჩვენ, სამწუხაროდ, მივეჩვიეთ, რომ დედამიწაზე ყველაფერი ბრალდება პრეზიდენტს, რაც, რა თქმა უნდა, კომენტარს არ იმსახურებს. ჩვენ გვქონდა და გვაქვს კომუნიკაცია კომისიასთან და ბუნებრივია, ასეც გავაგრძელებთ. რა ფორმა ექნება ამას, დრო და საქმე გვიჩვენებს“, - განაცხადა დოლიძემ.

ანა მებურიშვილი