პოლიტიკა

ჩვენ პრეზიდენტის ინსტიტუტი გვჭირდებოდა საერთო პრობლემების გადასაწყვეტად - გედევან ფოფხაძე

„ქართული ოცნების“ წევრის, გედევან ფოფხაძეს განცხადებით, საქართველოს მოქალაქეებმა პრეზიდენტი იმისთვის აირჩიეს, რომ მას მთავრობასთან ერთად გუნდირად ემუშავა.

როგორც ფოფხაძემ პრესკონფერენციაზე აღნიშნა, პრეზიდენტის მუშაობა უფრო ეფექტური იქნებოდა თუ შეწყალების კომისიის წევრები, ისეთ საქმეებს გადახედავდნენ, სადაც ხარვეზები იქნებოდა.

“ის ლოზუნგი, რაც ჩვენს გერბზე წერია „ძალა ერთობაშია“- უნდა გავამართლოთ. ჩვენ პრეზიდენტის ინსტიტუტი გვჭირდებოდა საერთო პრობლემების გადასაწყვეტად და არა იმ ლოგიკისთვის „მე ვარ და ჩემი ნაბადი“. შეიძლება მეც არ მომწონდეს რაღაც „ქართულ ოცნებაში“, მაგრამ ეს იმას არ ნიშნავს, რომ გავემიჯნო და ცალკე ძალად ჩამოვყალიბდე. მარგველაშვილი რომ ყოფილიყო „ქართული ოცნების“ მოკავშირე, გაცილებით მეტი სასიკეთო საქმე გაკეთდებოდა. პრეზიდენტის ინსტიტუტს პატივი უნდა ვცეთ მის მიერ გაკეთებული საქმეებით და არა სახელით,“- განაცხადა ფოფხაძემ.

მონიკა დავლიანიძე