პოლიტიკა

ჩვენ არ ვგეგმავთ, რომ სისხლის სამართლებრივი პასუხისმგებლობის ასაკი დავწიოთ 14 წელზე ქვევით - თეა წულუკიანი

იუსტიციის მინისტრის, თეა წულუკიანის განცხადებით, სისხლისსამართლებრივი პასუხისმგებლობა 14 წელზე ქვემოთ დაწეული არ იქნება და ამ ასაკობრივი ჯგუფის არასწრულწლოვნები სხვანაირად აგებენ პასუხს დანაშაულზე, რაზეც მუშაობა მიმდინარეობს.

„ჩვენ დღეს ვიმსჯელეთ ორ საკითხზე სისხლის სამართლის უწყებათაშორის საბჭოზე. ერთი არის სისხლის სამართლის კოდექსი, რომელსაც მატერიალურს უწოდებენ ამ პროფესიის წარმომადგენლები.

ანგარიშს გავაკეთებ საბჭოს წინაშე, თუ რა პროცესი გაიარა ამ ცვლილებებმა იმისთვის, რომ უკვე 4-წლიანი მუშაობის პროცედურა, ჩემი სურვილი იქნებოდა, ამ საგაზაფხულო სესიაზე დავხუროთ. რამდენიმე არსებულ მუხლში უნდა შევიდეს ცვლილება, იმისთვის, რომ ჩვენი მატერიალური კოდექსი, რომელიც არის ძალიან მნიშვნელოვანი, ფუძემდებლური, 90-იან წლებში შემუშავებული იმ დროისთვის თანამედროვე ტექსტი, დღევანდელ თანამედროვებასთანაც იყოს შესაბამისი.

არასრულწლოვანთა მართლმსაჯულების კოდექსში შესატან ცვლილებებზეც ვიმსჯელებთ დღეს, სადაც ჩენ 14 წლისა და უფრო მეტი ასაკის გოგონებსა თუ ბიჭებს, ვისაც მოსდით შეცდომები, რომელსაც დანაშაული ჰქვია, რა თქმა უნდა, დაუჯელი ვერ დარჩება, მაგრამ აუცილებელი ამ კოდექსში შევიდეს რამდენიმე ცვლილება, რაც მოსამართლეებს, პროკურორებს, პოლიციელებს საქმიანობას გაუადვილებს.

რაც შეეხება 14 წლის ქვევით არასრულწლოვნებს, ვინც ბოლო დროს გახშირებული ქურდობების გამო მოხვდა მედიისა და საზოგადოების ყურადღების ცენტრში, ეს კოდექსი მრავალჯერ ავხსენი და დღესაც ავხსნი - მათ არ ეხებათ, რადგან ჩვენ არ ვგეგმავთ, რომ სისხლის სამართლებრივი პასუხისმგებლობის ასაკი დავწიოთ 14 წელზე ქვევით.

14 წელზე ქვევით ვინც ჩადის დანაშაულს, მათ არა პოლიციური და პენიტენციური პასუხი, არამედ სხვა ტიპის პასუხი ჭირდებათ. ამაზე მიმდინარეობს მუშაობა“,- განაცხადა იუსტიციის მინისტრმა.